ශ්‍රී ලංකා මුස්ලිම් මාධ්‍ය සංසදය සංවිධානය කළ ඉන්දු ශ්‍රී ලංකා මිත්‍රත්ව හමුව අද දින (13) කොළඹ රාමඩා හෝටලයේ දී සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනරත්ත මහතාගේ ප්‍රධානත්වයෙන් පැවැත්විනි.

එම උත්සව සභාව අමතමින් අමාත්‍යවරයා ඉතිහාසයේ සිට පැවැති ඉන්දු ශ්‍රී ලංකා මිතුදම පිළිබදව කරුණූ පැහැදිලි කරන ලදි.

උත්සව සභාව අමතා අදහස් දැක් වූ සෞඛ්‍ය අමාත්‍යවරයා ප්‍රකාශ කර සිටියේ වසර 2500 කට පෙර විජය කුමරුගේ පැමිණිමත් සමග ඉන්දූ ශ්‍රී ලංකා සබධතා තර වූ බවයි. ඉන්දු ශ්‍රී ලංකා සබධතා තවදුරටත් ශක්තිමත් කරමින් ශ්‍රී ලංකාවට බුදු දහම ලැබුණු බව ද සෞඛ්‍ය අමාත්‍යවරයා ප්‍රකාශ කරන ලදි. එසේම ඒ හා බැදුණු සංස්කෘතික, කළා සහ වෙන් ශිල්පීය ක්‍රමයන් ඉන්දියාවෙන් ශ්‍රී ලංකාවට ලැබුන බව ද සදහන් කරන ලදි. දකුණූ ඉන්දීය රජ කුමාරවරු යුධ වැදී සිටින විට ශ්‍රී ලංකාවෙන් සහාය ලබාගෙන ඇති බවට ඉතිහාසයේ සදහන් බවත්, එලෙසම ශ්‍රී ලංකාවේ රජකුමාරවරු යුධ වැදී සිටින අවස්ථාවල ඉන්දියාවේ සහාය ලබාගෙන ඇති බවටත් ඉතිහාසය සාක්ෂි දරන බවද සෞඛ්‍ය අමාත්‍යවරයා පෙන්වා දෙන ලදි.

බ්‍රිතාන්‍යයෙන් නිදහස ලබාගැනීමේ සටනේ දී ශ්‍රී ලංකාව ඉන්දීයාව සමග සමීපව කටයුතු කළ බවත්. විශේෂයෙන්ම ඉන්දීය නිදහස් සටනේ නායකයින් වූ මහත්මා ගාන්ධි, ජවහල්ලාල් නේරු වැනි නායකින් සමග එකළ ඩි.එස් සේනානායක මහතා සමීප සබධතා පවත්වා ඇති බව ද සෞඛ්‍ය අමාත්‍යවරයා ප්‍රකාශ කළේය. ඉන්දියාව තුල දේශපාලන පක්ෂයක් නිර්මාණය කිරීමට ද ආචාර්ය කොල්වින් ආර්. සිල්වා මහතා මැදිහත්ව කටයුතු කළ බව ද අතීතයේ මෙන්ම වර්තමානයේ ද ඉන්දීයාව ශ්‍රී ලංකාව සමග පවත්වන සමීප සබධතා තවදුරටත් ශකිත්මත් කර ගත යුතු බව ද සෞඛ්‍යඅමාත්‍යවරයා පෙන්වා දෙන ලදි. මෛ උත්සව අවස්ථාව සංවිධානය කිරිම වෙනුවෙන් ශ්‍රී ලංකා මුස්ලිම් මාධ්‍ය සංසදයට ද සෞඛ්‍ය අමාත්‍යවරයා සිය ප්‍රසාදය පළ කරන ලදි.

මෙම උත්සව අවස්ථාව සදහා හිටපු ඉන්දීය හිටපු පාර්ලිමේන්තු ජාතික සංවිධායක (ලොග් සභා) මහාචාර්ය කේ.එම් කාදර් මොහිදීන්, මලප්පුරම් දිස්ත්‍රීක් සභාපති ඉන්දියානු මුස්ලිම් ලිගය (IUML) සාදික් අලී තන්ගල්, ඉන්දිය පාරල්ලිමේන්තු මන්ත්‍රී ඊ.ටි හොමඩ් බෂීල්, ඉන්දිය පාර්ලිමේන්තු මන්ත්‍රී (ලොග්සභා) පොන්නායි, පාර්ලිමේන්තු මන්ත්‍රී (රාජ්‍ය සභා) ජාතික භාණ්ඩාගාරික (IUML) රාමනාථපුරම්, පාර්ලිමේන්තුමන්ත්‍රී (ලොග් සභා) කේ. නවස්කාන්, කේරළයේ හිටපු රාජ්‍ය අමාත්‍ය අබ්දුල් මජිඩ්, හිටපු පාර්ලිමේන්තු මන්ත්‍රී (ලොග් සභා) අබ්දුල් රාමන්, ඉන්දියන් මුස්ලිම් ලිග් සාමාජික ෆාතිමා සුෂාෆා, විදුතලෙයි රිරුතයිගල් පක්ෂයේ නියෝජ්‍ය සාමාන්‍ය ලේකම් අලූෂා නවාබ්, ව්‍යාපාරිකයින්, මාධ්‍ය වේදීන් ඇතුලු විශාල පිරිසක් එක්ව සිටියහ.

LEAVE A REPLY

Please enter your comment!
Please enter your name here